Vacacións de Nadal co primeiro libro

O libro escollido para este primeiro trimestre foi Asústate Merche! de Fina Casalderrey.
O próximo mércores 11 de xaneiro, á volta das vacacións, reuniremonos para coméntalo. Agardamos que vos guste!

Esta historia iníciase cando, a través dunha nota necrolóxica nun xornal, Auria descobre unha terrible e misteriosa razón que a empuxa ó suicidio. Por medio de Merche, o diario de Auria, e dun narrador revivimos unha viaxe por Europa. O presente e o pasado avanzan paralelos. Os capítulos do pasado van dando claves para descifrar a situación actual. O descubrimento do amor, o sexo, o aborto, a amizade, os estudios, as relacións familiares... xorden dese fío argumental que resulta ser a viaxe.

    

A traballar!

Reunimonos o mércores 25 de novembro para repartir traballo, tal como acordamos na reunión de outubro. Deste xeito os nosos lectores recolleron textos que escenificarán na reunión de decembro. A ver se nos sorprenden coas súas interpretacións.

Inauguración do novo curso do grupo da ESO

Empezamos este novo curso reuníndonos co alumando da ESO para repartir traballo. O libro do trimestre aínda se fará agardar un pouco porque está previsto comentalo á volta de Nadal asi que mentres tanto imos aproveitar para traballar nas actividades ideadas para este curso: empezamos o relato encadenado, dentro do taller de lectoescritura e as alumnas comprometéronse a recoller contos reais ou non, da xeneración de seus avós.

Pola miña parte, o meu traballo consistirá en repartirlles na próxima sesión unha serie de contos que terán que aprender e escenificar en sesións sucesivas. 

Actividade extraescolar

E isto foi todo durante este curso, agradecemos aos nosos lectores a fidelidade a este club, lendo as obras propostas e acudindo puntualmente ás reunións que se celebraron. Precisamente para expresar ese agradecemento e celebrar o final do curso, decidimos os coordinadores levar ao noso alumnado a realizar unha activiade acuática, inspirada polo libro Salitre -no que algúns dos protagonistas facían surf- nós optamos por unha actividade similar que fose realizable na nosa contorna, neste caso a alternativa foi un paseo en kayak polo cañón do Sil, en pleno corazón da Ribeira Sacra. Tras o paseo e o baño, realizamos un breve percorrido polos muíños dos Chancís e rematamos invitando aos nosos lectores a un xantar con agasallos. Agardamos que vos gustara, para nós foi un pracer compartir este día e este curso con tan ávidos e críticos lectores. Feliz verán!

Taller de lectoescritura do Club de Bacharelato

Recibimos os vosos correos que responden a unha proposta sinxela e creativa: crear un final alternativo para o libro de Salitre.

Dado que unha opinión generalizada no grupo foi a decepción que supuxo para algunhas das nosas alumnas o final aberto do libro, o coordinador propúxolles redactar un final que lles gustase máis, aqui vos deixamos os resultados:

CRISTINA FERNÁNDEZ SILVOSA.

[...]

- Papá, non empeces! Mamá está morta.

- Colle o teléfono, quere falar contigo!

Edu nervioso nega de todos os xeitos a posiblilidade de que a súa nai estea ao outro lado da liña. Está convencido de que o seu pai está a mentir e él non vai entrar ao trapo. Colle a súa moto e toma camiño a praía de Llas, ao chegar , senta e reflexiona: 

- Non podía ser mamá, ela ... ela está morta! - repite unha e outra vez Edu- Estou seguro de que todo isto é unha artimaña de papá. Non o aguanto máis! MARCHO! 

Fragmento MARÍA SACO:

[...] 

 - E que chaman desde unha cabina. É a túa nai.

Nese instante, Eduardo paraliza, miles de sensacións percorren o seu corpo ata parecer que é un ser morto en vida.

" Pi. pi. pi..." Edu está no hospital, acaba de espertar do coma no que levaba xa case 4 anos; Unha tarde de Agosto estaba a bañarse cos seus pais na paraia de Llas, a súa preferida dende que era pequeno. 

Todo quedou nun soño. 

Lecturas dramatizadas na ESO e comentario de Del color de la leche

Como última actividade do curso cos grupos da ESO, xuntamos a todo o alumnado (15) para facer unha lectura do texto encadenado que se creou no obradoiro de lecto-escritura.
E acordouse facer unha excursión con todos o día 25 de xuño, relacionándoa co libro de Salitre e coa que pretendemos premiar dalgún xeito a participación activa e continua do noso alumnado. Ademáis este mércores tamén comentamos no grupo de Bacharelato o libro Del color de la leche o cal, aínda que nos pareceu unha obra moi boa, ás nosas lectoras non lles acabou de gustar, tal vez polo estilo narrativo pouco habitual.

Comentamos Reo

O pasado mércores reunímonos para falar de Reo. Non tivo a aceptación que agardabamos pero imaxinamos que en parte é por tratarse do último libro do curso e por coincidir con época de exames. En calquera caso permitiunos falar e intercambiar puntos de vista sobre temas de actualidade.